Para sa Water Watch Negros dapat ipahibalo sa mga consumers kun sin-o ang bag-o nga nagapanag-iya sang Primewater kag ano ang proseso sa pagbaligya.
Sa interview sang Bombo Radyo Bacolod kay Water Watch Negros Convenor Wennie Sancho, dapat may yara sang transparency sa natabo nga transaction kag indi nga gulpyada lang mapagwa sang impormasyon nga nabakal na ang Primewater.
Suno diri, may kinanamatarong ang tawo nga mahibaluan kun sin-o na ang nagapanag-iya sang Primewater bangod involved diri ang public interest.
Suno pa diri, ikaduha na ini nga natabo nga ginasekreto ang transaction bangod kun madumduman ginsekreto man ang pagperma sang Joint Venture Agreement sa tunga sang Bacolod City Water District (BACIWA) kag Primewater.
Pahayag ni Sancho, mas maayo nga may patigayonon nga forum agud madula ang pangduha-duha sa paminsaron sang mga consumers.
