Ginkumpirmar sang operator sang Weesam Express nga magadugang sila sang trip sini nga Disyembre.
Sa interview sang Bombo Radyo Bacolod kay Frank Carbon, ginpahayag sini nga posible magapatigayon na sila sang duha ka round trip sini nga bulan bangud nagadamo na ang mga pasahero.
Suno kay Carbon, may yara na sila sang gina-reject nga mga pasahero bangud nga indi na maka-akomodar ang ila nga barko.
Nahibaluan nga 50% sang seating capacity lamang ang ginatugutan nga makasakay sa fastcraft sa idalom sang General Community Quarantine (GCQ).
Pananglitan nga madayon ang tag-duha ka round trip kada adlaw, may yara na sang tag-anom ka trips kada adlaw ang Bacolod-Iloilo vice versa.
Samtang, ginkumpirmar naman ni Carbon nga sa hapon sang Disyembre 25 lang sila magabiyahe samtang wala naman sang biyahe ang Enero 1.
