Welcome development para sa convenor sang Convenor, Utilities Consumers Advocate for Reforms ang pagpirma sang presidente agud nga mangin layi ang Republic Act 12011 ukon ang NEPC Law of 2024.
Sa interview sang Bombo Radyo Bacolod kay Roy Cordova, ang layi ang mangin katumanan sang madugay na nga ginahandum sang mga pumuluyo nga maayo serbisyo sang electric distribution company.
Suno kay Cordova natiming man ang pag-aprubar sang layi bangud kinahanglan sang ciudad ang maayo nga supply sang kuryente ilabi na ang pagsanyog sang ciudad agud nga mangin super city.
Ginpasalamatan sini ang tanan nga mga lideres nga naghimo sang tikang agud nga masolusyunan ang madugay na nga problema sang mga pumuluyo sa indi estable nga supply sang kuryente.
Tuman man ka importante ang maayo nga supply sang kuryente sa pagsanyog sang ekonomiya sang isa ka komunidad bangud madamo na sang investors ang magasulod indi na problema ang supply sang kuryente.
Dugang pa sini, ginapasalamatan man ang tanan nga members consumers nga nagugyon sa pagpatigayon sang Joint Venture Agreement sa tunga sang Prime Electric Power kag Central Negros Electric Cooperative.
