Mabakal na sa tatlo ka merkado sa ciudad sang Bacolod ang well milled rice nga tag-P45 kada kilo nga gin-procure sang Bacolod City Government.
Suno kay City Legal Officer Atty. Romeo Carlos Ting Jr, 150 tanan ka sako sang bugas ang ginprocure agud ibaligya sa merkado nga tag P45 ang kada kilo.
Suno diri, ang tatlo ka merkado ang ginalakipan sang Burgos Public Market, Libertad Public Market, kag Central Public Market.
Ang tatlo ka dalagko nga merkado sa ciudad ang gintagtagan sang tag 50 ka sako sang bugas.
Ini ma-avail sang mga retailers paagi sa pagkoordinar sa ila market supervisor.
Pahayag ni Ting, ini ang trial period pa lamang gani 150 lang ka sako sang bugas ang gin-procure.
Dugang pa niya, bangod sini bisan papaano may mabakal ang mga pumuluyo nga barato nga kilo sang bugas kasunod sa tuman kamahal sang presyo sini sa merkado.
