Nagpanaog sa ika-apat nga pwesto ang medal rankings sang Western Visayas sa nagapadayun nga Palarong Pambansa 2025.
As of 5:00 am subong nga Biyernes, ang Region 6 ukon Western Visayas ang may-ara na sang 29 ka gold medal, 39 ka silver medal kag 44 ka bronze medal.
Nagapanguna gihapon sa kompetisyon ang National Capital Region (NCR) nga may 89 ka gold, 56 silver kag 33 bronze; nagapangaduha ang Region 4A ukon CALABARZON nga may 35 gold, 57 silver kag 51 bronze; nalapawan naman sang Region 11 ukon Davao Region ang Western Visayas nga may-ara na sang 35 gold, 20 silver kag 32 bronze.
Samtang kasunod sang Region 6, ikalima naman sa rankings ang Region 10 ukon Northern Mindanao nga may 27 gold, 18 silver kag 36 bronze; Region 3 ukon Central Luzon ang pang-anom nga may 22 gold, 19 silver kag 26 bronze; nagasunod naman diri ang Region 7 ukon Central Visayas; Region 13 ukon Caraga; Cordillera Administrative Region (CAR) kag ang ika-napulo amo ang Region 8 ukon Eastern Visayas.
