Nakareport ang Department of Health (DOH) kahapon, Enero 2, sang dugang nga 63 ka mga firecracker-related injuries gani nagdangat na ang kabug-usan nga kaso sa 153.
Santo sa DOH, ini ang 32 porsyento nga mas mataas kun ipaanggid sa 2020 nga may 116 ka mga kaso kag 61 porsyento nga mas manubo sangsa 5-year average nga 392 ka mga kaso sa kaangay nga period.
Pahayag sang ahensya nga tanan nga mga kaso ang tuga sang fireworks.
Samtang, wala naman sang kaso tuga sang fireworks ingestion, stray bullets kag wala man sang nareport nga nadulaan sang kabuhi.
Nagpanguna sa may pinakamadamo nga firecracker-related injuries ang Metro Manila nga may-ara sang 60 ka mga kaso.
Ini ang ikaduha na nga tuig nga nagsug-alaw sang bag-ong tuig ang kalibutan kadungan sa epekto sang pandemic.
Sa Pilipinas, ang mga natapikan sang COVID-19 ang naglapaw na sa 2.8 million kag masobra 50,000 na ang nadulaan sang kabuhi.
Ang DOH ang nagapanugyan sa publiko nga indi mangin kampante ilabi na nga nagtaas ang kaso sang COVID-19 kadungan sang paghalog na ang paghulag sa tion sang holidays.
