Nagapati ang Philippine Drug Enforcement Agency Region 6 nga may basehan ang Philippine National Police sa pagpahayag nga mataas gihapon ang presensya kag supply sang iligal nga druga sa Western Visayas.
Ini ang kasunod sang pahayag sang Philippine National Police nga sa pagbakal sang body cameras, hatagan nila sang prayoridad ang lima ka mga lugar nga may mataas nga presensya sang iligal nga droga.
Kalakip diri ang NCR ukon National Capital Region, Region 3, Region 4A, Region 7, kag Region 6 bangud mataas pa ang presensya sang iligal nga druga sa sini nga mga rehiyon.
Sa interview sang Bombo Radyo Bacolod kay PDEA Region 6 director Alex Tablate, nagapati ini nga may basehan ang mga kapulisan sa paghambal nga mataas ang presensya sang iligal nga droga sa rehiyon bangod man sa padayon nga pagcoordinate sang operatiba sang Negros Occidental kag ang apat sa lima ka mga rehiyon ang ginahambal nga Super Regions.
Suno sa data sang ahensya, ang may pinakadamo nga koordinasyon sang operatiba amo ang isla sang Negros particular sa ciudad sang Bacolod.
Gintuad man ni Tablate nga may yara sang basehan ang PNP apisar nga wala pa siya ideya kun ano ini.
