Nagapabilin sa 97 ang kabug-usan nga kaso sang COVID-19 sa Western Visayas, santo sa COVID-19 case Bulletin No. 47 sang DOH.
Nahibaluan nga 10 diri ang nagtaliwan na, 14 ang naka-admit, 34 ang naka-quarantine, samtang 39 naman ang nakarecover.
Sa 97 nga kaso, 57 diri ang asymptomatic, 25 ang may severe acute respiratory infection kag 15 naman ang may influenza-like illness.
Samtang sa resulta naman sang COVID-19 test sa mga 27 ka mga repatriates, isa diri ang taga Aklan, tatlo sa Antique, diuha sa Guimaras, apat sa Iloilo Province, lima sa Negros Occidental, duha sa Bacolod kag 10 sa Iloilo City.
Onse naman sa mga ini ang yara sa health facility, tatlo ang naka home quarantine, 11 ang yara sa facility quarantine, kag duha naman ang nakatapos na sa 14 days quarantine kag nagnegatibo sa repeat test.
Sa ulihi nga data, Mayo 12, wala sang panibag-o nga kaso sang COVID-19 sa Western Visayas.
Yara naman sa edad nga 21 tubtob 30 kag 41 tubtob 50 ang kalabanan nga naapektuhan sang balatian.
