Luwas si U.S. President Donald Trump matapos ang pagpangluthang sa ginpatigayon nga White House Correspondents’ Dinner sa Washington Hilton Hotel kahapon.
Suno sa Secret Service, isa ka armado nga lalaki ang nag-attempt nga makasulod sa main screening area sang hotel kag nagpalupok sang shotgun.
Gilayon nga ginbakwit si Trump, First Lady Melania, Vice President JD Vance, kag mga miyembro sang gabinete samtang nagasinggitan ang mga bisita sang “Get down!” kag nagpanago sa idalom sang lamesa.
Isa naman ka agent sang Secret Service ang naiguan apang naluwas ini bangud sa protective gear.
Yara na sa kustodiya sang otoridad ang suspek kag gina-imbestigaran na ang insidente.
Sa truth social post ni Trump, gindayaw niya ang madasig nga pagresponde sang Secret Service kag law enforcement, kag ginsiguro nga luwas ang tanan nga opisyal.
Ang insidente ang natabo sa pareho nga hotel kun sa diin gintuyo nga patyon si President Ronald Reagan sang 1981.
Ini na ang ikatlo nga tion nga nangin target si Trump sang pag-atake, lakip ang insidente sa Butler, Pennsylvania rally sang 2024.
