Wildfire, nag-ibwal sa dako nga bahin sang Greece

Nagluntad ang malapad nga wildfire sa Greece bangud sa nagaka-eskperyensyahan nga tuman kainit nga tiyempo.

Indi magnubo sa lima ka dalagko nga mga wildfire ang nag-ibwal sa pila ka bahin sang Greece.

Ginalauman nga ang temperatura ang magalab-ot sa 44 degree celsius sa nasambit nga lugar.

Apisar nga napalong na ang pila ka mga wildfire, nagpaandam sa gihapon ang mga otoridad sa liwat nga pagluntad sang nasambit nga sunog.

Mangin ang kaingod nga pungsod nga Turkey ang naka-eksperyensya man sang tuman kainit nga tiyempo kun sa diin may narecord man nga wildfire.