Padayon nga nagalapta ang wildfire sa Fontainebleau Forest, masobra 60 kilometros humalin sa Paris, France.
Ginabanta yara sa 800 ka ektarya na sang kakahuyan ang gintupok sang kalayo, rason nga ginbakwit na ang pila ka mga residente kag temporaryo nga ginsira ang mayor nga highway sa France.
Kapin 400 ka mga bumbero kaupod ang duha ka firefighting aircraft, ang nagatinguha nga makontrol ang sunog.
Suno sa mga otoridad, kalabanan sa mga wildfire sa France ang bangud sa mga aktibidad sang tawo.
Sa karon, masobra 25,000 ka ektarya sang kadutaan ang nasunog sa pungsod France sini nga tuig (2026), samtang padayon man nga naeksperyensyahan ang wildfire sa Spain, Portugal, kag Greece.
Sa Spain, nagsaka na sa 13 ang numero sang mga ginbawian sang kabuhi kalakip ang isa ka 93-anyos nga babayi bangud sa naangkon nga paso naggikan sa wildfire.
