Nagdeploy sang air tankers kag helicopters agud nga magbulig sa kapin 200 ka mga fire fighters sa pagpalong sang kalayo nga gintuga sang wildfire sa naaminhan-nasidlangan sang Phoenix sang Biyernes nga nagresulta sa dinosena nga mga residente nga mag-evacuate.
Ginpasangkad sang mga otoridad ang evacuation area sa isa ka subdivision sa naaminhan-nasidlangan sa gwa sang Scottsdale, ginsariduhan ang mga dalan kasubong man ang kabahin sang nature preserve samtang nagapadayon ang mamadlos nga hangin sa pagpadako sang kalayo sa tuman kainit nga kondisyon.
Apang suno sa Arizona fire officials, wala man sang reported nga nasamaran ukon natupok nga estruktura.
Ginaimbestigaran sa karun sang mga otoridad kun ano gid ang ginhalinan sang sunog nagluntad sa kapin walo ka kilometros ukon 5 miles nasidlangan sang Carefree, sa gwa lamang sang northern Scottsdale sa punta sang Tonto National Forest.
