Ginpatpat sang pinuno sang Negros Occidental Provincial Environment and Natural Resources Office ang role sang talatapan sa paglupok sang Bulkan Kanlaon.
Sa interview sang Bombo Radyo Bacolod kay Engineer Joan Nathaniel Gerangaya, matapos ang paglupok sang bulkan ila nga ginasiguro ang damage kag epekto sini sa wildlife kag habitat ilabi na nga ang Mt. Kanlaon ang protected areas.
Pila sa mga wildlife nga makita sa Mt Kanlaon amo ang Negros Fruit-dove; Negros Bleeding-heart; Flame-templed Babbler; White-throated Jungle-flycatcher; Visayan Flowerpecker; Philippine Spotted Deer kag Visayan Warty Pig.
Suno kay Gerangaya indi lang wildlife ang apektado sang naglupok ang Bulkan Kanlaon kundi nalakip man ang ila nga opisina bangud nasulod sa 6km extended danger zone sang bulkan ang nahamtangan sini.
Sa karun ang PENRO personnel nga apektado ang yara nagaopisina sa banwa sang Murcia.
Nagpanugyan man ini sa mga evacuees nga padayon nga magsunod sa mga otoridad bangud nga indi mapaktan ang aktibidad sang Bulkan Kanlaon.
