Ginpahayag sang Commission on Elections (Comelec) kahapon nga ang magadaog nga Senador kag Party-list groups ang reparado nga igaproklamar agud nga mapabilin ang pagtuman sa public health standards kadungan sang COVID-19 Pandemic.
Suno kay Comelec acting spokesperson Rex Laudiangco, ang poll body nga nagatindog bilang National Board of Canvassers (NBOC), separado nga iproklamar ang initial party-list groups nga makadangat sa two percent threshold sang kabug-usan nga numero sang party-list votes.
Pahayag ni Laudiangco nga agud mamintinar ang minimum public health standars dapat nga iseparar ang proklamasyon sang senador kag party-lists.
Bangod sa completion sang total party-list votes, ginalauman sang mga ini ang posibilidad sang pagproklamar sang top-tier party-list ukon ang mga matag-as ang nakuha nga boto nga indi na mahimo maapektuhan sang distribution kag aplikasyon sang formula sang mga wala pa nag-abot nga partylist votes.
Santo sa layi, kun ang partylist groups ang makakuha sang duha ka porsyento sang kabug-usan nga numero sang nacast nga boto sa partylist race, ini ang entitled na sa isa ka pwesto sa House of Representatives.
Ang mga magalapaw naman sa two percent threshold ang entitled sa adisyunal nga pwesto santo sa numero sang nacast nga boto, apang ang kabug-usan nga numero sang pwesto nga sarang makuha sang kada magadaog nga party-list groups ang indi mahimo maglapaw sa tatlo.
Una na nga ginpahayag ni Laudiangco nga ang mga Senador ang igaproklamar ang mahimo makadala sang tatlo ka makaupod, samtang ang partylist groups ang limitado lang sa duha.
Pahayag sang poll body nga ginalantaw na nila nga ang proclaimation sang 12 ka nagdaog nga Senador kag partial winning party-list groups para sa 2022 Elections ang patigayunon sa Martes ukon Miyerkules.
