Ginkalipay kag nagapasalamat ang “Wonder Woman” kag “Snow White” star nga si Gal Gadot matapos nakabaton sang star sa Hollywood Walk of Fame apisar pa nga madamo ang nagprotesta sa nasambit nga seremonya.
Ginpakigbahin sini ang mga litrato sa induction ceremony sa iya Instagram page nga suno diri indi ini makapati ilabi na nga nakabutang ang iya pangalan sa lugar nga ginapalibutan sang legends nga nag-inspire sa iya.
Gindugang sini nga ang Walk of Fame star ang nagarepresentar sang tinuig nga paghimakas, pagpalangga sa trabaho, kag padayon nga pagsalig sang mga tawo sa iya.
Nagpasalamat man ang aktres sa iya “Wonder Woman” director nga si Patty Jenkins kag sa iya “Fast & Furious” co-star nga si Vin Diesel nga nagkadto gid agud magsuporta sa iya.
