Ginduso ni Senador Erwin Tulfo ang liwat nga pagpatuman sang work-from-home (WFH) setup kag ride-sharing schemes agud mabuligan ang mga mamumugon nga makatipid sa tunga sang padayon nga pagsaka sang presyo sang petrolyo.
Sa isa ka pahayag, ginpahayag ni Tulfo nga sarang ma-implementar ang remote work ilabi na sa mga trabaho nga wala nagakinahanglan sang physical presence sa opisina.
Ginsambit sang senador nga mahimo ini masakop ang mga posisyon nga may kaangtanan sa planning, research, administrative work, kag customer service, mga trabaho nga napamatud-an nga epektibo nga napatigayon sa sulod balay sa tion sang pandemya.
Suno diri, bisan pa ang pila ka mga medical services ang una na nga ginpatigayon pinaagi sa online consultations, pamatuod ini nga posible ang ini nga setup sa subong nga sitwasyon.
Sa pihak nga bahin, mahimo mag carpooling ukon ride-sharing para sa mga sektor nga nagakinahanglan sang pisikal nga presensya, kaangay sang manufacturing, hospitality, at healthcare.
