Work from home, ginpatuman sa Senado bangud sa security threat

Ginpatuman ni Acting Senate President Pro Tempore Sherwin Gatchalian ang work from home setup para sa pila ka mga empleyado sang Senado bilang paghalong sa tunga sang mga nabaton nga pamahog sa seguridad.

Suno kay Gatchalian, ginakabig nila nga seryoso ang mga direkta nga pamahog sa Senado gani kinahanglan nga hugton ang mga safety protocol.

Suno diri, prayoridad nila nga siguruhon ang safety sang mga empleyado kag sang Senado bilang isa ka institution.