Ginpangunahan sang gobernador sang Negros Occidental ang World Day Against Trafficking in Persons nga isa ka seremonya nga ginpatigayon sang Biyernes sa Kapitol Probinsyal.
Suno kay Governor Eugenio Jose Bong Lacson, ang trafficking isa ka krimen, pag-ulipon, kag bayolasyon sa kinamatarong sang isa ka persona.
Suno diri, ang sex trafficking, child labor, child trafficking ang isa mga klase sang pagpang-abuso nga dapat ang nasyon mag-isa sa pagtapna sini apang aminado si Lacson, nga ang pagtapna sini, indi man mahapos.
Ang teknolohiya, digitalization kag internet ang nagpahapos kag nagpdasig sa pagpangabuhi apang ini man nagbukas sa isa ka lugar kag sistema sa pagpang-abuso ilabi na sa mga kabataan.
Makit-an sa isa ka pagtulun-an nga nalakip ang Pilipinas sa hotspot sa sexual abuse pamaagi sa internet.
Dugang pa ni Lacson isa sa rason kun ngaa nagasulod sa amo sini nga gawi ang mga tawo bangod sa kapigaduhon.
Gani, gina-ingganyo sini ang tanan, mga gininkanan, kautoran, abyan, kag mga sektor sang ahensya nga mangin alerto agud matapna ang human trafficking.
