Ginkumpirmar sang World Health Organization (WHO) sang Biyernes, nga may isa ka babayi nga napatay sa norte nga bahin sang Bangladesh sa bulan sang Enero bangud sang Nipah virus.
Ini ang pinakabag-o nga kaso sang Nipah virus infection sa Bangladesh samtang ginsundan naman sa duha ka kumpirmado nga kaso sang Nipah virus sa katupad sini nga pungsod India kun sa diin nagpatigayon naman sang sang istrikto nga airport screenings sa nagkalain-lain nga pungsod Asia.
Suno sa WHO, ang pasyente sa Bangladesh ang ginabanta naga-edad sang 40 tubtob 50 anyos.
Suno sa World Health Organization, ang amo nga persona ang wala sang record sang travel history apang ini ang naga-inomsang hilaw nga date palm.
Samtang, ang 35 ka mga persona nga naka-kontak sa pasyente ang ginabantayan subong apang ini naman ang nag-negatibo sa virus kag sa subong, wala na sang dugang nga kaso nga na-detect.
