Ginbuksan ang selebrasyon para sa World Radio Day 2026 nga may tema “Artificial Intelligence is tool, and not a voice” sa Bacolod City Government Center kaina sang aga.
Ginbasa ni Secretary to the Mayor Atty Marty Go ang mensahe gikan sa United Nations Educational, Scientific and Cultural Organization (UNESCO).
Sa mensahe, gin-aprubahan sang UNESCO nga italana ang Pebrero 13 para pasalamatan ang mga broadcasters nga nagapalab-ot sang tingog kag nagashare sang mga estorya.
Pahayag sang UNESCO nga sa pagbukas sang bag-o nga chapter sa moderno nga panahon, may-ara man sang innovation sa madalom nga pagbalita, apang ginapabilin sang mga radio broadcasters ang ethical, responsable, may professional judgement, creativity kag public service.
Ini ang ginalantaw nga nagapabaskog pa sang pagsalig sang mga nagapamati.
Pahanumdom sang UNESCO nga indi ang teknolohiya ang nagadala sang balita kundi ang mga broadcasters.
Samtang ginshare man ni former Bombo Radyo Broadcaster Councilor Homer Bais ang iya mga eksperyensya sang yara pa sa media industry upod kay Bacolod City Mayor Greg Gasataya.
Suno diri, siya ang nag-umpisa sa media industry, nga nangin investment sini sa pagsulod sa public service.
Kaangay man kauy Mayor Greg nga anay anchorman man sang Bombo Radyo Bacolod antes nangin konsehal, bise alkalde, congressman kag karun alkalde sa ciudad sang Bacolod.
Suno kay Councilor Homer, indi sini malipatan nga bahin sang kabuhi ang pagserbe bilang radio broadcaster, kag kun siya ang papilion sang balikan nga trabaho, siya ang magabalik gid sa media industry.
