Written Explanation ni Nadia Montenegro sa involvement sini sa paghithit sang marijuana sa sulod sang ladies room sang Senado, ginahulat pa

Ginhatagan sang deadline ang actress nga si Nadia Montenegro para magpasa sang written explanation tubtob lamang sa Lunes matapos nga malakip ang iya pangalan sa gina-alegar nga paghithit sang marijuana sa sulod sang ladies room sang Senado.

Mahibaluan nga kabahin sang staff ni Senator Robin Padilla si Montenegro bilang political affairs officer.

Madumduman nga sang Biyernes mismo ang talatapan ni Padilla ang naghambal kay Montenegro nga mag-leave sa trabaho samtang nagapadayon ang imbestigasyon sa gina-alegar nga paggamit sang marijuana sa sulod sang Senado.

Nag-umpisa ang leave ni Montenegro sang Agosto 13 kag ginklaro ni Atty. Rudolf Philip Jurado, chief of staff ni Senator Padilla nga wala sang pagresign nga natabo sa ila opisina.