Mabaton na sang tanan nga mga government workers ang ila nga year-end bonus kag cash gift sa bulan sang Nobyembre.
Ini ang matapos nga magpagwa sang circular ang Department of Budget and Management nga nagapahanugot sa temprano nga pagpanagtag sang nasambit nga bonus kag cash gift kadungan sang ila nga una nga payroll sa bulan sang Nobyembre subong nga tuig.
Suno kay Budget Secretary Amenah Pangandaman, nag-issue ini sang Budget Circular 2024-3 nga nag-amyenda sang anay nga pagsulundan sa paghatag sang year-end bonus ang kapareho sang isa ka bulan nga basic salary sang isa ka empleyado samtang ang cash gift ang nagabalor sang P5000.
Ginpasiguro naman sang tiglikom nga mabaton ini sang tanan nga mga empleyado agud nga mangin masadya ang ila nga paskwa.
