YES votes ang kinahanglan agud malab-ot ang threshold nga malapit 89,000 ka affirmative votes agud nga madayon ang Joint Venture Agreement sa tunga sang Central Negros Electric Cooperative kag PrimElectric.
Suno kay CENECO acting general manager Atty. Arnel Lapore, very encouraging ang resulta sang plebisito sang weekend.
Santo sa data, masobra 24,000 ang nagboto sang Sabado samtang masobra 21, 000 naman ang nakigbahin kahapon nga adlaw sang Domingo.
Sang Sabado, 24,641 ang nagboto nga YES samtang 284 ang nagboto nga NO.
Samtang 21,247 ang YES votes sang Agusto 20 batok sa 250 nga NO.
Sa kabug-usan, 67,652 na ang natipon nga YES votes, lakip na ang June 24 kag June 25 nga results sang plebisito.
Suno kay Lapore, very optimistic ang CENECO nga malab-ot ang threshold para sa YES votes nga malapit 89,000.
Gin-athag man sini nga sarang makaproxy ang isa ka tawo sa pila ka mga tawo basta may dala ini nga dokyumento nga notarized nga nagapakita nga siya ang otorisado nga mangin proxy.
Wala pa si Lapore nakabati sang reaksyon sang mga nagapamatok sa JVA apang ginalauman na sini ang negatibo nga reaksyon nagikan sa ila.
Suno sa acting general manager, ginalantaw nila ang tanan nga paagi agud nga maaddress ang problema sang power distributor bangud tuman ini ka incovenient para sa mga konsumidor.
