Pagkatapos sang iya kolehiyo, nagsulod si Bacolod City Police Office Director Police Colonel Eugene Rebadomia sa Philippine National Police (PNP) kun sa diin naka-serbisyo siya sa Special Action Force (SAF) kag nangin Chief of Police man sa Panay.
Sa sulod sang 27 ka tuig nga serbisyo, madamo na siya sang nangin assignment sa nagkalain-lain nga lugar nga naghatag sa iya sang madalom nga eksperyensya sa pagdumala kag pagserbisyo sa komunidad.
Apang para sa iya, mas mabug-at karun ang iya responsibilidad bangud siya ang magaserbisyo sa iya nga natawhan nga ciudad.
Aminado siya nga may yara gid sang pressure bangud yara diri ang iya pamilya, mga abyan kag mga kilala, gani suno diri pasangkaron pagid ang pagserbisyo sini sa nasakupan.
Wala man ini naglaum nga mangin BCPO Director bangud sa kadamo sang kapulisan nga nagahandom sa amo nga pwesto.
Apang suno kay Rebadomia, “You cannot change your destiny. If it’s for you, it’s for you.”
