Ginpakigbahin ni Mayor Alfredo “Albee” Benitez nga ang syudad sang Bacolod, ang una nga local government unit (LGU) sa Pilipinas nga nag-implementar sang 4PH Program sang Marcos Administration pinaagi sa joint venture agreement.
Sa State of the City Address (SOCA), ginpatpat ni Benitez nga pinaagi sa JVA sa Sherman Construction, amat-amat na nga ginatukod ang mga buildings sa Yuhom Housing sa Arao, Barangay Vista Alegre kag ini ang matapos na sa Oktobre subong nga tuig.
Target sang mga ini nga magtukod sang 10,000 ka housing units sa total investment nga P10 billion.
Ang housing project ang may duha ka model nga ginalakipan sang low rise building, nga tubtob 4 storeys kag high rise building nga 20 tubtob 21 stories kag may duha tubtob tatlo ka bedrooms.
Paathag ni Benitez nga indi libre ang pabahay, apang indi man mahal.
Ang mga benepisyaryo ang nagabayad sang kapin P1,600 kada bulan sa idalum sang PAGIBIG program samtang ini ang may subsidy man sang City Government.
Suno kay Benitez, ang pabahay ang may bayad bangod nagapati ini nga kun ginpangabudlayan, mas pagapalanggaon, atipanon kag indi pagpabay-an sang mga benepisyaryo.
Paathag sini nga luyag nila nga makadevelop ang mga pumuluyo sang sense of responsibility sa nasambitan nga mga housing units.
