Ginpahayag sang chairperson sang committee on laws sa Sangguniang Panlungsod, nga dapat ireport sang Yuhum Foundation ang financial statement sa patigayunon nga MassKara Festival, matapos nga nagdangat sa P6 million ang kapierdehan sang ciudad sa nakaligad nga MassKara Festival 2022.
Ang bag-o nga presidente sang Yuhum Foundation amo si Katie Matiling samtang ang Festival Director amo si Jojie Dingcong.
Suno kay City Councilor Al Victor Espino, ang MassKara Festival nga gintukod sang Sangguniang Panlungsod kag sang nakaligad nga tuig nga selebrasyon may yara sang miscontrue ukon may yara sang sala nga pag-intindihanay sa impormasyon nga wala sang datos ukon report nga dapat ipasa ang Yuhum Foundation sa SP.
Suno diri kun wala ang SP wala man sang MassKara Festival nga matigayon.
Sa karun nagapangita ini sang proponent nga dapat may yara gid sang reporting sang financial statement sa SP.
Nagpangayo naman sang authorization si Bacolod City Mayor Alfredo Benitez sa SP sa pagpirma sa Memorandum of Agreement sa Masskara Yuhum Foundation bilang proponent sa sini nga MassKara Festival.
Nakapasa naman sang financial statement ang nakaligad nga presidente sang Yuhum Foundation sa nakaligad nga festival nga si Atty Pinky Mirano apang wala ini natsekyar ni Espino bangod dapat gid man nga magpasa ini sang financial statement.
Samtang, nagpasalig naman si Matiling nga sila indi kaangay sa nakaligad nga Yuhum Foundation.
