Wala sang narekord nga panibag-o nga kaso sang coronavirus disease 2019 sa Western Visayas kahapon.
Santo sa record sang Department of Health Region 6, nagapabilin sa 389 ang numero sang COVID-19 cases, kun sa diin 226 ang active cases samtang 11 naman ang nagtaliwan.
Nagsaka naman sa 152 ang nakarecover matapos nga madugangan sang duha nga amo sanday Patient No. 134, isa ka 35 anyos nga lalaki kag residente sa banwa sang Cauayan, Negros Occidental kag Patient No. 156, isa ka 30 anyos nga lalaki, residente sa banwa sang Hinobaan, Negros Occidental.
Ang duha ka recoveries ang lunsay mga locally stranded individuals (LSIs).
Sa karon, nagapabilin sa 118 ang COVID-19 cases sa probinsya sang Negros Occidental samtang nagapabilin naman sa 52 ang siyudad sang Bacolod.
