Padayon ang paghatag sang tion para sa fitness sang mga kapulisan sa Negros Occidental.
Ini kasunod sa mando ni Philippine National Police (PNP) chief Police General Nicolas Torre III nga kakson sa serbisyo ang mga overweight police officers kun indi nila mapanubo ang ila kabug-aton matapos ang anum tubtob isa ka tuig.
Sa interview sang Bombo Radyo Bacolod kay Police Captain Judesses Catalogo, spokesperson sang Negros Occidental Police Provincial Office, may yara sang schedule para sa zumba sang personnel sang NOCPPO sa adlaw sang Martes kag Huwebes.
Suno diri, madugay na nga may fitness program ang kapulisan apang mas ginpadaluman pa gid ini sa akrun.
Tanan nga personnel required para diri kag sila ang mapili kun sa ano nga adlaw sila available sa Martes ukon Huwebes.
