Nagdangat sa 10 ka Barangay ang apektado sang ashfall gikan sa Bulkan Kanlaon sa ciudad sang Canlaon, Negros Oriental.
Sa interview sang Bombo Radyo Bacolod kay Seth Bariga, public information officer sang Canlaon City Government, ang mga apektado ang ginalakipan sang Brgy Binalbagan, Brgy Malaiba, Brgy Mabigo, Brgy Pula, bahin sang Brgy Linuthangan, Brgy Lumapao, Brgy Bayog, Brgy Panubigan, upper portion sang Brgy Masulog, Brgy Aquino.
Sa impomasyon sang Bombo News Team, may-ara man sang naapektuhan sa Brgy Vallehermoso.
Suno diri, sila ang nagahulat pa sang mga reports gikan sa mga Barangay kun may nagbakwit.
Apang suno diri, antes paman magsulod sa Philippine Area of Responsibility (PAR) ang Bagyo INDAY, nagpatigayon na sang preemptive evacuation sa pila ka Brgy sa Canlaon City sang Hulyo 7 pa lamang, partikular na ang gikan sa flood prone areas.
Lakip na diri ang 70 ka pamilya sa Brgy Panubigan, duha ka pamilya sa Brgy Masulog, kag tatlo ka pamilya sa Brgy Mabigo.
Apang wala pa nila natumod kun may dugang nga nag-evacuate bangod sa ashfall.
