Malipayon nga nagbatun sang P1,000 cash kag balor P500 nga gift pack ang 10 ka Palengke Draw winners sa Swerte sa Palengke Promo 2026 sang Bombo Radyo kag Star FM nga ginpatigayon sa Bago City Public Market.
Ang maswerte nga tagdaog ang ginalakipan nanday Claudine Faith Benjamin sang Brgy Singcang Airport, Bacolod City nga naggamit sang proof of purchase sang San Miguel Beer; Kent Sulivan sang Bago City Public Market nga naggamit sang Sarsaya Oyster Sauce; Fely Ociceneo sang Brgy 16, Bacolod City nga naggamit sang Efficascent Oil; Francis Ann Dela Pedra sang Brgy Handumanan, Bacolod City gamit ang Gardenia; Aida Lingamen sang Prk 13, Brgy Taloc, Bago City gamit ang R. Florete Pawnshop and Jewelries; Jinque Dallorina sang Burgos Public Market gamit ang Shoppers Tocino: Judy Dave Villapa sang Prk Malipayon, Brgy 35, Bacolod City gamit ang Dr. Wongs; Elena Buezon sang Bago City Public Market gamit ang Orocan; Arnel Guanzon sang Bago City Public Market gamit ang Syngenta; kag Luisa Perez sang Bago City Public Market gamit ang Puregold.
Luwas sa 10 ka Palengke Draw winners may mga nagdaog man sa mga parlor games, videoke challenge kag budots challenge.
Samtang, dako man ang kalipay sang street cleaner nga siya ang nagabutan kag nagbatun sang premyo bilang Special Draw Winner sa Swerte sa Palengke Promo 2026 sang Bombol Radyo kag Star FM.
Si Ma. Dolly Monillo, sang Prk 3 Magsungay, Brgy Singcang-Airport, Bacolod City, ang nagdaog paagi sa ginhulog nga proof of purchase sang Dr. Wongs.
Si Monillo ang job order employee sa idalom sang Bacolod Environment and Natural Resources Office (BENRO) nga assigned sa atubang sang Cyber Center.
Ini ang nagatrabaho halin ala-1:00 sang hapon tubtob alas-7:00 sang gab-i kada adlaw kag wala sang day-off.
Dako ang kalipay sini nga antes magtrabaho, siya ang nakadaog sang P500 cash kag limited edition AM/FM transistor radio, nga rechargeable, may flashlight, LED light, indi fixed dial, kag may-ara sang 60th Anniversary sticker sang Bombo Radyo Philippines.
Suno diri, ang cash ang iya ibakal sang bugas.
Ginpangagda man sini sa iban nga magpasakop man sa promo agud makadaog parehas sa iya.
