BACOLOD CITY — Isa ka gatos nga mga residente sang Bacolod kag Negros Occidental ang magabaton sang libre nga pustiso kadungan sang Bombo Medico sa bulan sang Hulyo.
Ini ang pinaagi sa pagbuligay sang Bombo Radyo, Mendez Dental Group, Philippine Dental Association Bacolod City Chapter kag Rotary Club of Bacolod.
Adlaw sang Domingo, Enero 21, ginbuksan na ang registration para sa mga luyag magpatakod sang pustiso.
Suno kay Dr. Paul Bryan Mendez nga amo man ang presidente sang PDA Bacolod City Chapter, 50 ka full dentures kag 50 man ka removable partial dentures ang igapanghatag.
Ang screening ang patigayunon sa Robinson’s Place Bacolod activity center sa Pebrero 1, ala 1:00 sa hapon.
Apang antes magpadulong sa screening, ang benepisyaryo ang magaparehistro sa estasyon sang Bombo Radyo paagi sa FIRST COME, FIRST SERVED BASIS.
Magdala lamang sang certificate of indigency nagikan sa barangay.
Ini bangud pagahatagan sang prayoridad ang mga pigado.
