Yara na sa pink category ang 11 ka Local Government Units sa probinsya sang Negros Occidental nga sadto yara sa red category bangod sa halit sang African Swine Fever.
Suno kay Dr Yasmin Tan, Officer in Charge sang Provincial Veterinary Office, may yara sang ginabasehan kun sa ano nga kategorya ipaidalum ang LGU kag sa karun ang 11 ka LGUs nga anay yara sa red category, nanaog na sa pink category.
Ang 11 ka LGU ang ginalakipan sang banwa kag ciudad sang Bacolod, Escalante, Kabankalan, Hinigaran, La Castellana, Pulupandan, San Carlos, San Enrique, Silay, Victorias, kag Valladolid.
Suno kay Tan, may yara pa gid sang lain nga guidelines para madeterminar kun yellow ukon green category na ang isa ka lugar.
Samtang, sa karun wala sa gihapon ginapahanugotan ang pagsulod sang mga baboy sa probinsya halin sa mga lugar nga may yara pa sang kaso sang ASF.
