Naghatag sang pahanumdom ang Bacolod City Police Office Traffiic Enforcement Unit sa ginalauman nga paggutok sang trapiko kag pagdamo sang pasahero sa pagbukas sang Negros Island Region Athletics Association Meet 2026.
Sa interview sang Bombo Radyo kay Police Major Elmer Bonilla, sa opening ceremony sa Panaad Park and Stadium alas-4:00 sang hapon, lauman ang pagdagsa sang mga pasahero gikan sa nagkalain-lain nga lugar sa rehiyon.
Suno diri, preparado na ang personnel sa pagbantay sa trapiko kag pagdakop sa mga nagalapas sa layi sa dalanon.
Suno kay Bonilla, hugot nga ginadumilian ang overloading sang pasahero kag kun sin-o man ang madakpan nga nagapasobra sang pasahero, sila mahimo nga dakpon.
Naghatag man ini sang abiso sa mga drivers kag operators nga kun puno na ang salakyan indi na magpasaka pa sang pasahero.
