Nagdangat na sa indi magnubo 12 ka mga persona ang nagkalamatay bangud sa landslides kag pagbaha nga gintuga ni tropical storm Enteng suno sa Office of Civil Defense.
Ang OCD amu ang implementing arm sang National Disaster Risk Reduction and Management Council, nga nagarelease sang official casualty counts sa mga kalamidad.
Suno kay OCD spokesperson Edgar Posadas, kalabanan sa mga nagkalamatay ang tuga sang pagkalunod.
Suno diri, ang latest fatality count ang nagapadailum pa sa verification kag sarang pa nga magbag-o.
Kapin 62,959 ka pamilya ukon 240,000 ka mga pumuluyo ang naapektuhan sang tropical storm.
Suno sa Department of Social Welfare and Development, nagacoordinate ini sa mga local government units agud nga mapasulod sang kinahanglan nga assistance.
