Lauman ang 12 oras nga pagkadula sang kuryente sa sakop sang ASDES-Gonzaga Substation sa ciudad sang Bacolod.
Sa interview sang Bombo Radyo Bacolod kay Engr Leomel Tambanillo, assistant vice president for planning and business operation sang Negros Power, kahapon may scheduled power interruption matapos nga nagpatigayon sang maintenance kag pag-ilis sang circuit breaker ang National Grid Corporation of the Philippines sa San Enrique 69kV line.
Suno diri, subong nga adlaw may lauman nga power interruption humalin alas- 6:00 sang aga tubtob alas- 6:00 sang gab-i sa sakop sang ASDES-Gonzaga Substation.
Ang apektado nga mga lugar amo ang Mabini St., Galo St., Gatuslao, Locsin St., Rizal St, Nueva St., Alisbo, Corazon Locsin Montelibano Memorial Regional Hospital, Cordova Road, Lopez-Jaena, Lacson St, Burgos St., Hall Of Justice, SSS Building, portion sang Brgy. 9, portion sang Brgy. 11, portion sang Brgy. 17.,1st St., 20th St, Capitol Park and Lagoon, kag NBI.
Suno kay Tambanillo, may yara sang patigayonon nga massive installation sang rubber inserts, may insulator replacement, installation sang distribution transformer fuse, kag pag-upgarde sang AGF7 0.12km primary line.
Pahayag sini, bangod sa sistema sang Negros Power, imbes nga 12,000 consumers ang maapektohan, nagnubo na lang ini sa 3,500 ang affected consumers.
Samtang, lauman nga may yara sang saka nga P1.06 sa rate sang kuryente subong nga Enero 2026.
