16 anyos nga Grade 11 student nga nagsumbag gamit ang pitchikorno sa isa ka pulis, ginpasakaan sang kaso matapos makitaan sang discernment

Ginpasakaan na sang kaso ang 16-anyos nga Grade 11 student matapos mapamatud-an nga may yara siya sang discernment sa iya gin-ubra nga pagsumbag sa isa ka pulis sa Brgy. Granada.

Ginkumpirmar ini ni Police Major Andy Ofalia, Station Commander sang Bacolod Police Station 5.

Base sa eksaminasyon sang Department of Social Services and Development (DSSD), nagwa nga may paghangop ang 16-anyos sa insakto kag indi insakto nga buluhaton.

Maga-undergo ang menor de edad sang 15 days rehabilitation period antes mangatubang sa kaso nga Direct Assault Resulting in Physical Injuries.

Samtang, nagbalik na sa serbisyo ang biktima nga pulis.