167 ka Police Personnel ang napromote sa idalom sang Police Regional Office – Negros Island Region kahapon.
Sa pagpanguna ni PRO-NIR Director Police Brig. Gen. Romano Cardiño, 18 ang bag-o nga napromote bilang Police Majors, 4 ang Police Captains, 12 Police Lieutenants, 42 Police Chief Master Sergeants, 5 Police Senior Master Sergeants, 20 Police Master Sergeants, 34 Police Staff Sergeants, kag 32 nga Police Corporals.
Kalakip sa napromote ang spokesperson sa Negros Occidental Police Provincial Office (NOCPPO) nga si Police Major Judesses Catalogo gikan sa anay sanggo nga Police Captain.
Sa intreview sang Bombo Radyo Bacolod kay Bacolod City Police Office Director Police Col Eugene Rebadomia, kalakip man sa napromote sanday Police Major Andy Ofalia sang Bacolod Police Station 5 kag si Police Major Peter John Ramos sang Bacolod Police Station 6.
Sa pagsaka sang ranggo sa Police Major gikan sa Police Captain, ang duha ka Officer in Charge ang karun full-pledged Station Commander na sa Police Station 5 kag 6.
Suno kay Rebadomia, madamo sang mga ginpromote kag madamo man sang mga bag-o nga naga-apply.
May iban pa man nga sa karun padayun nga naga-schooling.
Samtang sa pagretire ni Police Lt Col Albert Sy, siya ang ginbuslan naman ni Police Lt Col Alberto Indiape Jr bilang head sang City Drug Enforcement Unit kag City Intelligence Unit sa BCPO.
