-- ADVERTISEMENT --
17 ka balay naapektohan sang paglapaw sang tubig sa Ibid Creek, sa Sitio Tamburong, Brgy Biak na Bato, La Castellana, Negros Occidental.
Sa interview sang Bombo Radyo Bacolod kay John De Asis, pinuno sang La Castellana Disaster Risk Reduction Management Office, liwat na naman nga nag-ilig sa Ibid creek ang dako nga volume sang tubig kasunod sa pag-ulan nga nagluntad kahapon.
Suno diri, liwat na naman nga nagsupon ang mga volcanic materials sa tamburong nga amat-amat na kun tani nga nahawanan kasunod sa clearing operations nga ginpatigayon.
Pahayag ni De Asis, ang mga apektado nga pamilya temporaryo lang anay nga nagtinir sa ila paryente kag nagpauli man sang nagsubside ang tubig.// Samtang, wala naman sang may narekord nga napilasan.
