Nangin madinalag-on ang ginpatigayon nga 1st Mayor Greg Fire and Rescue Olympics sa Bacolod City Government Center kahapon.
Sa barangay category nakuha sang Community Fire Auxiliary Group sang brgy Tangub ang 1st place, samtang 2nd place naman ang brgy Granada, kag 3rd place ang brgy 2.
Samtang sa school category 1st place ang Mansilingan Agro Industrial High School, 2nd place ang John B. Lacson Colleges Foundation, kag 3rd place ang Domingo Lacson National High School.
Sa company category, 1st place ang Ayala Malls Capitol Central, 2nd place ang San Miguel corporation kag 3rd place ang La Consolacion College–Bacolod.
Suno kay Fire Insperctor Jemarie Tapiru, Deputy Fire Marshal sang Bacolod City Fire Station, ini nga aktibidad maka-test kun ano ka preperado ang fire brigade sa ciudad sa bahin sang mga brgy, buluthuan kag mga kompanya.
Suno diri, may 16 ka fire brigade nga nagpartisipar sa aktibidad nga ginalakipan sang lima ka brgy, lima ka kompanya kag pito ka buluthuan.
Apang nagalaum ini nga magpasakop man ang iban bangod ang Community Fire Auxiliary Group bilang first line of defense sa tion sang emerhensya ukon sunog.
