Liwat na naman nga ginpasidunggan ang Bombo Radyo Bacolod bilang BEST AM RADIO OUTLET OF THE YEAR sa ginpatigayon nga Bilib Awards sang Communications Students sang University of Saint La Salle.
Indi na maisip ang nakuha sang Bombo Radyo Bacolod nga award sa tuigan nga Bilib Awards sang USLS nga sa karun yara na sa ika- 25th edition.
Ang Bombo Radyo Bacolod napilian paagi sa survey nga ginpatigayon sang mga estudyante sang USLS.
Ginbaton ni Bombo Erlyn Bayonita-Arroyo, assistant station manager sang Bombo Radyo Bacolod, ang award sang Sabado sang gab-i.
Ginbug-usan sang estudyante, faculty kag magkatuhay nga publications sang University of St. La Salle ang nagsabat sa survey agud magpili sang Best AM Radio Station sa 25th Anniversary sang Bilib Awards.
Sa interview sang Bombo Radyo Bacolod kay Eunice Rose Denuevo, Production Manager sang 25th Bilib Awards, ila nga ginlista ang tanan nga AM, FM stations kag Print media sa bug-os nga probinsya sang Negros Occidental kag ginpilian paagi sa pagsabat sa surveys kag ang Bombo Radyo Bacolod ang madinalag-on nga napilian bilang Best AM Radio Station.
Ini na ang ika-siyam nga kahigayunan nga ang DYWB Bombo Radyo Bacolod ang nakakuha sang nasambit nga awards.
Nagpasalig man si Denuevo nga indi lang estudyante ang nagpili bangud kalakip sa mga nagsabat sa survey ang ila faculty.
![Pinterest](https://pinterest.com/pin/create/button/?url=https://bacolod.bomboradyo.com/bombo-radyo-bacolod-liwat-nga-ginpasidunggan-bilang-best-am-radio-outlet-of-the-year-sa-25th-bilib-awards/&media=https://img.bomboradyo.com/bacolod/2026/04/BILIB-AWARDS.webp&description=Bombo Radyo Bacolod, liwat nga ginpasidunggan bilang "Best AM Radio Outlet of the Year" sa 25th Bilib Awards){kind=link}