Arestado ang duha ka lalaki nga yara sa listahan sang Barangay Anti‑Drug Abuse Council sa drug buy bust operation nga ginpatigayon sa Purok Sampaguita 3, Barangay Singcang-Airport, Bacolod City, sang Biyernes alas- 8:12 sang gab-i.
Ang mga nadakpan ang ginkilala nga sanday Jovy Rubaton, 46 anyos, wala sang trabaho kag Nestor Redobles, 52 anyos, tricycle driver, lunsay mga residente sang nasambit nga lugar.
Sa interview kay Police Captain Greeky Cayao, Station Commander sang Bacolod Police Station 8, may mga reklamo angot sa illegal nga ginabuhat sa area kag sa buybust operation natigayon nga nadakpan ang duha ka mga suspek.
Suno diri, nakumpiskar sa duha ang kapin 11 ka gramos sang suspected shabu nga ginabanta nagabug-at sang P74,800.
Mensahe sini sa mga involved sa illegal nga druga nga mag-untat na bangod wala sila naga-untat sa kampanya batok sa illegal nga druga kag kun indi man madakpan subong ang mga involved diri, mahimo nga sa dason sila naman ang madakpan.
