Patay ang 32 anyos nga drayber sang motorsiklo kag 12 anyos nga backrider sini matapos makabunggo sa salakyan sa Sitio Calawag, Brgy. Nangka, Bayawan City, Negros Oriental, sang Martes alas-5:36 sang hapon.
Ginkilala ang drayber sang motorsiklo nga si Rogie Natial, 32 anyos samtang ang angkas naman sini amo si Juliet Magallanes kag duha ka menor de edad nga walo ka tuig kag 12 anyos, lunsay mga residente sang Brgy. Nangka.
Samtang ang driver naman sang Toyota Tamaraw pick up amo si Jay Marlon Cabelin, 38 anyos, residente sang Pulantubig, Dumaguete City, Negros Oriental.
Santo sa report, nag-overtake ang pick up sa isa ka vehicle apang nasugata sini ang motorsiklo.
Nagluntad ang head on collision kag naglusot ang motorsiklo sa idalom sang chasis sang pick up.
Gindeklarar nga dead on arrival si Natial kag ang angkas sini nga 12 anyos samtang pilason naman si Magallanes kag ang walo ka tuig.
