Arestado ang 21 anyos nga lalaki sa ciudad sang Bacolod bangod sa kaso nga human trafficking kag sexual exploitation paagi sa social media platform.
Ang suspect ang ginkilala lamang nga si Alyas Tan.
Ang entrapment operation ang ginpatigayon sang Regional Anti-Cybercrime Unit – Negros Island Region.
Si Tan ang magapangatubang sang kaso nga paglapas sa Section 4 sang Republic Act No. 10364 ukon Expanded Anti-Trafficking in Persons Act, in relation sa Section 6 sang RA No. 10175 ukon Cybercrime Prevention Act.
Gindayaw naman ni Police Brig Gen Wilson Asueta, actig director sang PNP Anti-Cybercrime Group ang madinalag-on nga operasyon.
Pahanumdom sini nga seryoso nga krimen ang human trafficking kag ang magahimo sini ang magapangatubang sang mataas nga penalidad kalakip ang multa kag pagkapriso.
Pasalig sini nga committed ang PNP Anti-Cybercrime Group sa paglagas kag pagtapos sang kaangay nga mga ilegal nga aktibidad.
