Arestado ang 22 anyos nga lalaki matapos makuhaan sang P1,067,600 nga balor sang suspected shabu sa drug buy bust operation sang Bacolod CDEU sa Prk BM, Brgy Taculing, Bacolod City, alas-10:00 kagab-i.
Ang suspetsado ang ginkilala nga si Aldan Jeff Parandas, Alias “Toto”, wala sang trabaho kag residente sang nasambit nga lugar.
Samtang, arestado ang maglive in partner sa drug buy bust operation nga ginpatigayon sa Purok Hollow Blocks, Barangay Singcang-Airport, Bacolod City, Negros Occidental kaina ala- 01:12 sang kaagahon.
Ang mga nadakpan amo sanday Darryl Bayona alyas “George”, 25 anyos, wala sang trabaho kag residente sang Purok AC Yulo , Brgy. Punta Taytay, Bacolod City; kag Roda Mae Celis, 43 anyos, residente sang Purok Cagaycay, Brgy. 2, Bacolod City.
Sa interview sang Bombo Radyo Bacolod kay Bacolod Police Station 8 Commander Police Captain Greeky Cayao, ginakabig nga High Value Individual ang duha nga nadakpan.
Suno diri ila pa tsekyaron kun yara sa drug watch list ang duha kag kun nakaagi na nadakop sa buy bust operation sa iban nga estasyon.
Nakuha sa paghinakop sang duha ang 11 ka big, heat-sealed sachet sang suspected shabu nga ginabanta nagabug-at sang 55 grams kag may standard drug price nga P374,000.
