24 ka dugang nga mga barangay sa probinsya sang Negros Occidental kag isa ka barangay diri sa ciudad sang Bacolod ang gindeklarar sang Regional Oversight Committee sang Region 6 nga cleared na nagikan sa impluwensya sang illegal nga druga.
Sa deliberation nga ginpatigayon sang committee tinalikdan nga adlaw, drug-cleared na ang Barangay 41, Bacolod City.
Cleared naman ang Barangays Taloc, Calumangan, Jorge Araneta sa Bago City; Barangays Bagroy, San Pedro, Santol, kag Biao sa Binalbagan; Barangays Minapasok, Hinub-ang, Tigbon, Repoyho, kag Cruz sa Calatrava; Barangay Tanza sa E.B. Magalona; Barangay Cervantes sa Escalante City; Barangay Canroma sa Pontevedra; Barangay Camang-Camang sa Isabela; Barangays Libacao kag Mahalang sa Himamaylan City; Barangay Sta.Cruz sa Murcia; Barangay 6, Silay City; Barangay Salamanca, Toboso; Barangay Tortosa, Manapla; kag Poblacion East, kag Poblacion West sa banwa sang Candoni.
Suno kay Jyxyvzcky Escrupulo, pinuno sang Philippine Drug Enforcement Agency Negros Occidental, 14 pa lang nagikan sa 61 barangays sa Bacolod ang nadeklarar nga drug-cleared samtang kabug-usan naman nga 383 barangays sa probinsya ang drug-free na.
Suno kay Escrupulo, ginakalipay sang PDEA nga may dugang nga barangay sa Bacolod nga nadeklarar nga drug-cleared samtang madamo naman nga mga barangay ang nakigbahin sa deliberasyon.
Aminado ini nga medyo naatrasar ang pagsugod sang drug rehabilitation program subong nga tuig gani nangin dako ini nga pagpanghangkat para sa ciudad.
