28 ka bag-o nga kaso sang coronavirus disease 2019 ang narekord kahapon sa Negros Occidental samtang 38 naman sa Bacolod City.
Sa COVID-19 Case Bulletin No. 147 nga ginpagwa sang Department of Health Western Visayas, 105 ka bag-o nga kaso sang balatian ang narekord sa bilog nga rehiyon.
38 ang nagikan sa Bacolod City, tig-28 gikan sa Iloilo City kag Negros Occidental samtang 11 naman ang nagikan sa Iloilo Province.
Sa 105 ka panibag-o nga kaso, 103 diri ang local cases, isa ang locally stranded individual (LSI) samtang ang isa naman ang returning overseas Filiinos (ROF).
Sa karun, may ara na sang kabug-usan nga 3,257 ka kaso ang narecord sa Western Visayas nga may 1,746 ka mga aktibo nga kaso, 1,458 naman ang mga nakarecover sa pagdugang sang 16 nga bag-o samtang nagdangat naman sa 53 ang numero sang nagtaliwan sa pagdugang sang tatlo nga napatay.
Yara naman sa 85.91% ang asymptomatic sa kabug-usan nga kaso sang rehiyon.
Sa karon, may yara na sang 651 ka mga kaso ang ciudad sang Bacolod samtang 896 naman sa probinsya sang Negros Occidental.
Samtang, nagpagwa naman kahapon sang Executive Order No. 54 si Bacolod City Mayor Evelio “Bing” Leonardia nga nagapalawig sang CURFEW HOURS nga alas-8:00 sang gab-i tubtob alas-4:00 sang kaagahon humalin subong nga Agosto 22 tubtob sa Agosto 31.
