29 anyos nga lalaki nakwaan sang balor P408K nga suspected shabu sa Brgy. 2, Bacolod City

Nagdangat sa masobra P400,000 nga balor sang suspected shabu ang nakompsikar alas-5:40 kaina sang aga, sa Purok Tahong, Brgy. 2, Bacolod City.

Ang suspek ang ginkilala kay Alias “Yuri”, 29 anyos, lalaki, single, unemployed, kag residente sang Purok Tahong, Brgy. 2, Bacolod City.

Nakarekober ang walo ka heat-sealed kag isa ka knot-tied sachet sang suspected shabu, isa ka libo nga buybust money, kag iban pa nga non-drug items.

Padayon ang operasyon sang mga otoridad batok sa mga nagapanag-iya kag nagabaligya sang droga sa lugar.

Ang suspek naman ang ginpasakaan na sang kaso.