Ginpasakaan na sang kaso ang anay Punong Barangay kag duha sini nga kaupod sa shooting incident kadungan sa May 12 Election sa Barangay Mambulac Silay City nga nagpatay sang duha ka persona samtang pito naman ang pilason.
Sa interview sang Bombo Radyo Bacolod kay Negros Occidental Police Provincial Office spokesperson Police Captain Judesses Catalogo, ginfile na ang 2 counts of murder kag 7 counts of frustrated murder kay Punong Brgy Arnie Benedicto sang Brgy Lantad, Silay City kag sa duha sini nga kaupod.
Suno kay Caatalogo, may identity naman sila sang duha ka suspect apang nagapabilin pa nga at large.
Madumduman nga napatay ang ginapahayag volunteers sang Team Ugyon ni Silay City Mayor Joedith Gallego, nga sanday Albert Salimbot kag Ronnie Piedad, samtang nasamaran naman ang pito ka iban pa.
Sila ang yara sa gwa sang balay, nga ginapahayag headquarters sang Team Asenso ni former Mayor Mark Golez agud magbantay sang gina-alegar vote buying.
Apang nag-abot si Benedicto kag nagsulod sa balay, kag sa iya paggwa didto na niya ginpaarakan sang luthang ang mga biktima.
Si Benedicto ang nalagyo, apang nagsungka man sa NOCPPO Criminal Investigation and Detection Group (CIDG) samtang ang duha ang ginapahayag nga nagpanago balik sa balay.
Wala naman nasulod ang balay bangod wala gingrant sang korte ang search warrant, gani tubtob sa karun na mahibaluan kun diin na ang duha ka suspect.
Samtang desisyonan man kun sa diin idetain si Benedicto pending sa trial bangod indi man mahimo nga tubtob mentras siya ang yara lamang sa CIDG facility.
Sa karun wala pa ginakabig ang insidente nga election related apang nakadepende sa Commission on Election kun sa masunod nga eleksyon ini ang kabigon nga areas of concern bangod sa intense political rivalry.
