Kadungan sa pagsaulog sang Philippine National Flag Day, padayun ang panawagan sang Philippine Army sa pagbalik na sang mga rebelde sa sabak sang gobyerno.
Sa selebrasyon nga ginpatigayon sa Rizal Elementary School, isa sa mga naghatag sang mensaho si Brig. Gen. Orlando Edralin, ang commander sang 303rd Infantry Brigade sang Philippine Army.
Pahanumdom sini nga ang hayahay ang simbolismo sang kahilwayan sang Pilipinas gikan sa mga dumuluong, gani ang tanan nga kampo sang militar ang nagpasaka na sang Philippine flag humalin subong nga adlaw tubtob Hunyo 30.
Ginapahanumdom man sang hayahay nga kaangay sa mga baganihan, dapat matun-an man nga palanggaon ang pungsod kag ini ang handa nga ipakigbato gikan sa mga luyag magguba sini.
Apang magluwas sa dumuluong, sa karun Pilipino ang naga-away batok sa parehas nga Pilipino.
Gani padayun ang panawagan ni Edralin sa mga nabilin pa nga katapo sang Communist Terrorist Group – New People’s Army nga magbalik na sa sabak sang gobyerno.
Gina-engganyo sini nga sundon ang pila ka mga rebelde nga nagsungka na kag karun nagapangabuhi sang matawhay.
Ang mga ini ang nakabatun pa sang bulig sang gobyerno kaangay sang livelihood assistance.
Pila sa mga kabataan sang former rebels ang sa karun nagabulig naman sa militar pinaagi sa pagsulod sa Citizen Armed Force Geographical Unit (CAFGU).
