Aminado ang number 3 sa Criminologist Licensure Examination nga luyag sini kuntani nga magsulod sa Philippine Military Academy.
Sa interview sang Bombo Radyo Bacolod kay Rosanie Galvez sang Barangay Zone 4, Pulupandan, Negros Occidental, bangod sa kakulang man sang suporta pinansyal, wala nadayon ang iya handum nga magsulod sa PMA.
Sa apat ka mag-ulutod, iya ginpahayag nga siya lang isa ang nagkuha sang kurso nga Criminology.
Inspirasyon sini sa pagkuha sang pasinawan amo ang iya pamilya ilabi na ang iya nagtaliwan nga iloy, amay, tatlo ka mga utod, mga abyan kag ang iya kahagugma.
Suno kay Bulacja, bangod wala pa man sang recruitment sa bag-o nga mga miyembro sang Philippine National Police, nagapalano ini nga magtudlo sa mga Criminology students agud makahatag man siya sang mga panugdaon kun paano makapasar sa Criminologist Licensure Examination.
May panugyan si Bulacja sa mga nagahanda nga magkuha sang licensure examination agud sigurado nga makapasar.
Agud makapasar sa licensure exam suno sa iya, kinahanglan gid nga magfocus.
Suno kay Bulacja, 90% perspiration kag 10% inspiration ang kinahanglan sa pagkuha sang board exam.
Mas makabulig suno sa iya kun likawan ang paggamit sang cellphone kun nagatuon agud indi madisturbo.
Kun magreview suno sa iya, dapat nga seryoso, mamati sa instructor bangod halos tanan nga mabatian sa review ang naga-gwa gid sa exam.
Nagpanugyan man si Bulacja nga samtang temprano pa, magtuon na agud indi mabudlayan kun adlaw na nga makuha sang exam.
